خَليهَـا تعمَل مَا بغـَـات

خَليهَـا تعمَل مَا بغـَـات
مَـدَامْهَـا شَابة فالبنـَاتْ
راه قلبَك على جالهَـا امريض
شَّه فيَا ، و الله ما نغيضْ
خـِليـوْ النيَّـة و مَا نـْـوات
أنَا شقيت ، هيَّ مَا عبَاتْ
وعـــلاش هكـَــــذا ، قـَـلبهـَـا احـديــد
شّــــه فيـــــكْ ، و الله مَــا تغيــــــضْ


خليهَـا تعمَل رايْهَـا
خـَـليـتْ اشغـَـالك على جَـالهَـا
كمَا دّير ، و الله مَا ايفيد
شَّه فيَا و الله مَا نغيضْ
قلتلهَـا بلـِّي تحـبهَـا
كي عَـرفـَـت ، دارت غَرضهَـا
بَـيتـَـاتـَــك للنــــدَى ، و الجليـــــــــــد
شّــــــه فيـــَــا و الله مـا نغيــــــــــضْ


أعطَاتني تيعَاد بالخميس
درت وَعدَة ، مبروك يَا عريسْ
كـَـسيـت روحِي كل شيء جديد
شَه فيك ، و الله مَا تغيضْ
كل مَا نتفكرهَا نغيس
عليكْ ألف لعنَة يَا بليسْ
راه الهـــــــوَى دّانــــــي للبعـيــــــــد
شّــــــه فيــــك ، و الله مــا تغيـــــضْ


خليهَـا على كيفهَـا
دايرَى في زينْهَـا سْلاحهَـا
رَاكْ تمُوت في حُـبْهَـا شَهيد
شَّه فيَا ، و الله مَا نغيضْ
رَاك ادور قـُـدَام بيتها
لاصْق في حُـبْـها، اعقابهَـا
واش ادّيــــر، مَـا لقيـــت مَا تـزيـــــد
شّـــــــه فيــــَــا ، و الله مَــا نغيــــضْ


قالو لِي صحَابي شي كـْـلام
شواشْ دارتلك فالطعَام
رَاك تـَـخلـع اسعيد من بْعيد
شَّه فيك ، و الله مَاتغيضْ
مزالنِي نكتـَـب فالظـلام
و نشعَـرلهَـا فالغـَـرامْ
ليــل كـامَـل ، فـي بيتِــــي اوحيـــــــد
شّــــــــه فيـــــك ، و الله مـَـا تغيــضْ


متقولـُـوش لبنَات هـَـبلُـوه
رَاه قلبُو مَحرُوق ، سَلكـوهْ
جيبوهَالـُـو ، ايوَلِي سعيد
من غيرهَـذا ، شيء مَا يفيدْ
اخطبوهَـالـُـو ، زَوجُوه
متعطولوش حتى اجيحوهْ
اذا جـــَــاح ، الـوَخــــدَة يـــِزيـــــــــد
قلبــِـــي لحمَــة ، مَاهُـِشـــي احـديــــدْ


تمِّيت كلامِي بالتمَام
هَذا هوَّ عشق الريَامْ
ايْـرجّـَـــــــع النيّـــــــة اعنيـــــــــــــد
شّــــــــه فيـَــا ، و الله مَــا نغيــــــضْ